Train Services khan Fully Restore kurishey, West Bengal Crash Site dey

Kolkata, 18 June : Rangapani near West Bengal laga New Jalpaiguri station laga upar aro niche lines tuita dey bhi Train services khan fully restore huishey Tuesday dey, ekta goods train piche para Kanchanjunga Express dey jaina lagina ek din pichedey, kutey 10 jun jaan jaishey. Itu accident hua jagah dey Electrical traction restore kurishey aro electric locomotives logot trains khan Tuesday din dey stretch dey kaam kuria shuru huishey, Divisional Railway Manager,  Katihar S Kumar para kuishey. Tai kuishey ki train itu accident lagai ageh dey speed restrictions logot pulai asey, tracks aro alag components laga repair kuria pichedey. Monday morning dey tuita trains laga collision para tracks aro electric traction poles dey extensive damage kurishey, officials para kuishey. Down line dey Operations dey electric aro diesel locomotives tuita bhi chulaina Monday raati dey restore kurishey, aro up line dey, diesel locomotive-run train services bhi Tuesday morning dey wapis shuru kurishey. Railway Minister Ashwini Vaishnaw, Monday sham dey itu accident site dey visit kurithakia homoi, kuishey ki desh dey northeast connect kuria toh main line thakina, itu raasta dey services paria tak julti restore kuriboley focus kurishey.