December 18, 2024: Wednesday din deh Indian Amy laka tuita soldiers Bikaner laka Mahajan field firing range deh muri jai shae. Taijun tho ekta training exercise kura time deh ekta tank deh goli load kura taki shae aro etu kura time deh muri jah ase, news agency PTI para report kuri shae.
Spot deh tuita soldiers muri jai shae aro alak ekjun bia para jokom kai shae. Muri jah soldiers laka body tho Military Hospital deh patai di nah ase, Suratgarh jaka deh.
Ekta training exercise kura time deh achanak shae kiba ekta buta laka awas huni shae aro etu hua piche deh accident tho hui shae kui nah jani jai shae. CO lunkaransar Narendra Poonia nishi nah Senior officers kan phat utu jaka deh jai shae. Ammunition loading exercise kura time deh mistake ekta hua tho butai di shae kui nah officials kan biswas ase. “Soldiers kan goli keh load kura time deh charger tho puti shae,” defence Spokesperson para kui shae.
“Teentha soldiers taki shae, kun kan tank lokot deh practice kuri taki shae. Ashutosh Mishra aro Jitendra, explosion deh muri jai shae. Jokom kah soldier keh Chandigarh deh lui jai shae, helicopter para,” Circle officer Lunkaransar (Bikaner) Narendra Kumar Poonia para kui she.
Mishra tho uttar Pradesh laka Deoria para taki shae aro Jitendra tho Rajasthan laka Dausa para taki shae.
Add Comment