Kerala, 13 March 2025: 59 saal tailor ekta Kerala pra prove kuri dishey ki saal aro experience toh eku barriers nai adventure te. Vasanthi Cheruveettil, Kannur laka manu, successfully ekta solo trek khotom kuri shey Everest base camp tak eku formal training Natha kina, tai ekla training kuri shey etu challenge karne. Eku professional guidance Natha kina, Vasanthi khali Youtube videos te depend kuri shey trekking laka basics toh hikibo leh. Char months karne, tai ghor te exercise kuri shey, hotai din char ghanta birai, hotai exercise kureh aro trekking boots b lagai kina practise kuri shey gear lokot adat hubo leh. February 15 te, tai trek toh shuru kuri shey Surke pra Nepal te aro south base camp punchi shey February 23 te, nine din journey toh khotom kuri dishey. Tai pra koishey, Moi wish thaki shey moi eni Everest Base camp punchi shey koileh, moi picture lubo mon thaki shey mundu set (Kerala laka traditional attire) lagai kina. Etu karne moi lokot ekta loi jaishey. Bishi risk thaki shey uthibo leh, hoileh b moi pari shey.
Etu toh tai laka first solo trip thaki nai. Last year, tai ekla Thailand te jaishey tai laka sathi khan plan cancelled kura pichideh, huti shey tai nijor ke maiki eman dur ekla jabo paribo nanai koina. Determined hoi kina, tai trip toh book kuri shey ekla tai laka duita mota bacha Vineeth aro Vivek pra encouragement pai kina. Vasanthi laka trek Everest te challenges nathakina toh honai. Tai laka Lukla tak flight toh cancelled hoishey biya weather nimite, Hoileh b ekta German couple tai Nepal te lok pai pra madat kuri shey alak rasta karne. Tai ja time te, duniya pra trekkers bishi ke lok paishey, baba bacha laka duo milai kina Kerala aro Assam pra.
Add Comment