Lahore, February 16: 166 jon manuh morikene thaka 2008 Mumbai terrorist hamla laga mastermind aru terror group Jamaat-ud-Dawa laga chief Hafiz Saeed pora Government of Pakistan ke koikene tai laga naam Travel Ban list te pora hatai dibi koikene ase. Tai pora koise, ami toh security risk nahoi.
Jua mahina te government pora Hafiz Saeed aru tai laga terror outfits dusra 37 jon manuh khan ke Exit Control List te rakhi dikene thakishe aru eitu nimite eitu 38 jon country laga bahar te jabole mana kori dikene thakishe. Government pora Hafiz Saeedaru dusra char jon manuh ke 90 din tok karone “house arrest” te rakhi dikene ase.
Interior ministry pora Jamaat-ud-Dawa aru Falah-e-Insaniyat ke bi choi mahina tok karone “watch-list” te rakhi dikene ase. Hoillebhi terrorist khan pora eitu mamla te loikene koise, “JuD pora toh Pakistan te eku terrorist activity korikene nai.”
Add Comment