Chengdu, 31 May ; Taikhan laga brilliant run chari rakhina, Indian mahila laga doubles pair, Treesa Jolly aro Gayatri Gopichand para alag Korean duo ke haraishey, world no. 6 Kim So Yeong aro Kong Hee Yong ke Friday dey ekta nail-biting quarterfinal dey giraishey.
Itu Indians, duniya dey ranked no. 30, ekta superb comeback jeet register kurishey 18-21, 21-19, 24-22 aro BWF World Tour Super 750 event dey taikhan laga agey semifinal dey ghusishey.
Treesa aro Gayatri toh second quarterfinal laga winner ke samna kuribo, Japan laga Nami Matsuyama-Chiharu Shifa aro Indonesia laga Apriyani Rahayu-Siti Fadia Silva Ramadhanti maju dey, Saturday dey.
Agey tournament dey, itu jawaan Indian pair para world no. 2 Korean pair, Baek Na Ha aro Lee So Hee ke ekta intense Round 16 match dey 21-9, 14-21, 21-15 haraishey kuntu ek gondha nishna lamba jaishey.
Treesa aro Gayatri taijun ekela Indians asey kun BWF Super 750 Badminton tournament dey pachina asey.
Add Comment