Bhubaneswar, July 11, 2025: Odisha laka Rayagada district te thaka Kanjamajodi naam laka ekta gaon te, ekta tribal couple ke brutal punishment dishe, karon tai khan chup-chap shadi kurishe same clan te. Ekta viral video te dekha jai ase ki tai duijon ke bamboo yoke te bandhikena, mathi hal chulabole dishe, punishment hisap te.
Etu couple — ekjon 32 sal laka manuh aru tai laka paternal aunty — elope kurishe, pichete gaon wapas ahi jaishe, gaon laka elders ekta meeting rakhi kina punishment decide kurishe. Elders khan “purification” kuribo karone, tai khan ke public te marishe, hal chulabo lagishe, aru tai piche gaon pora bahar kuri dishe. Local customs hisap te, same clan te shadi kora manuh khan ke bishi strict punishment dia jai.
Punishment piche, tai duijon ekjon relative laka gaon te bhoi ase. Kunba gaon laka manuh video record to kurishe, kintu kunubai help kurinae. Tai khan etia laka location toh bhal pora clear kura nai.
Rayagada laka Superintendent of Police, Swathy S Kumar, koishe ki viral video dekhi kina police team investigate kuribole pathaishe. Kalyansinghpur police case register kurishe aru involved manuh khan ke hoda-hudi shuru kurishe.
Etu incident pora dekhibole jai ki tribal area khan te human rights ekdom danger te ase, kote traditional rule khan legal protection pora domination kure. Human rights activist Khanya Sharma koi ase ki kangaroo court laka against te awareness aru strict law enforcement laka dorkar ase.
Add Comment