DIMAPUR, SEPTEMBER 19 : Rashtriya Poshan Maa, (National Nutrition Week) laga hisabte Tribal Food Mela koi kena Din toh Eklavya Model Residential School, Diphupar te 19th September 2018 te manaise. Aro etu din te Deputy Commissioner Dimapur, Sushil Kumar Patel, IAS toh Guest of Honour nemite ahe kena etu din manaidese koise.
Etu din te kotha kurikena etu DC, Dimapur pora etu National Nutrition Mission toh ami kan desh te Nutrition kan bhal te ahkete luijabole karne ula laga ase. Etubi Government of India, Prime Minister Narendra Modi laga leadership bitorte koi kena janaise. Aro etu Scheme bitorte India Sorkar kan kao (health) nemite besi bhal pora ahkete luijabole kuri ase. Aro etu bhal te ahkete luijabole kura toh khali bacha kan nemite hi nahui kena ped te bacha thaka kan nemite bi ahkete bhal te luijabole kura laga ase koi kena janaise.
Tai bi etu Scheme laga hisabte kotha kurikena India manu kan laga kao ke saa hisabte (Datas) 2 bacha majutte 1 jun ki huilebi anaemic bemar thaki kena bai. Aro 3 bacha majutte 1 jun toh mal-nourished hui kena bai. Etu karne etu kan chamala ke saidebole nemite Rashtriya Poshan Maa koi kena March 2018 te Prime Minister Narendra Modi pora ula laga ase. Etubi ami kan desh sob te Nutrition chis toh ahkete bhal te luijabole karne. Etubi District-Districts sob te koi kena janaide thakise.
Tai bi ami kan city te etu Nutrition kan thik pora nahui kena biya huijua bhat kan hi besi thaki. Etu karne etu hisabte kotha kurikena DC pora etu Tribal Food toh Organic Food koi kena chis ase. Aro etu Organic Food toh ami kan kao te bhal kuridebole laga ase koi kena janaide thakise.
Etu din te bi Brand Ambassador, Rashtriya Poshan Maa, Professor ALongla P. Aier pora kotha kurise. Etu time te tai Phsical Growth aro Mental Development kan toh sob biya bhat nahui kena (Improper nutrition) bhal bhat khaile hobo koi kena janaise. Tai bi chama kurikena thaka Students kan ke bhat thik pora ekta hisabte khabole kuribi (Balance Diet) aro Drugs, Alcohol aro Tobacco kan khaa kan toh sob hataidebole kuribi koi kena janaide thakise kosie.
Etu din te bi Deputy Director, Ministry of Tribal Affairs, BOI, Biswas Behari Panigrahi pora etu National Nutrition Mission laga bhal kotha janaide thakise. Aro etu din laga Programme te gaana aro drama kanbi thakise. Aro etu gaana aro drama toh EMRS Diphupar Students kan kuridese koise. Etu Programme toh Nongothung Ovung pora ahkete luijai kena manaise (chaired). Vote of Thanks toh Administrative EMRS, Rev. Yanger Walling pora kuridese. Aro etu din laga Programme toh Tribal Research Institute, Department of Art aro Culture, aro Department of Planning aro Coordination, Government of Nagaland kan melekena ulabole kura laga ase (organised) koise.
Add Comment