Tribal Vision Para Horn Bajaboley Laga Competition Organise Kurishey, Kisama Tey

December 06, 2023 :  Itu Hornbill Festival 2023 laga 24^th Edition laga part thaki kena, ekta Horn bajaboley laga competition, kuntu toh “Thütsükhü Kümütsü” koi, itu organise kurishey, Tribal Vision para, aru itu Department of Youth Resources & Sports para sponsor kuri kena, itu Tourism Department laga support under tey, Naga Heritage Village tey, Kisama tey, 6^th December, 2023 tey.

Itu competition tey toh hoiley 16 tribes para participate kuria laga dikhiboley parishey. Participants khan toh – Angami Tribe first paishey, Chang Tribe second paishey, Chakhesang Tribe third paishey koishey.  Itu jeeta khan ke Rs 10,000/-, Rs 5000/- aru Rs 3000/- dishey koishey, itu logotey certificate khan bhi dishey koishey, Surhuveyi Tetseo para.

Horn baja laga kuntu toh Thütsükhü Kümütsü koi kena jani pai, itu toh hoiley Chakhesang dialect para aha laga asey koishey. Itu horn toh hoiley ekta sound device asey, kuntu toh hoiley bishi-bhak janwar laga horn nishina shape thakey, tatey chutu chenda thaka tey para phukai kena bajaboley.

Itu rudimentary device chula laga kisim kisim laga function khan asey, itu Naga society tey, eneka thaki lebi, itu laga common usage toh hoiley bishi- bhak toh celebration laga homoi tey bajai koishey, aru signal alert khan bhi diye koishey, kiba danger khan ahishey koiley, poila.

Itu competition kuria toh hoiley, itu muri-jai thaka practice toh revive kuriboley karney asey ary awareness banaboley karney asey, itya laga generation khan majetey.