Kolkata, June 11, 2026: Trinamool Congress te aro ekbar dangor jolt lage she, tai khan laga third Rajwa Sabha member, Prakash Chik Barik, toh resign kure de she Upper House te para. Tai party te para be resign kure de she koi she Thursday te. Mr. Barik, kun former Chief Minister Mamta Banerjee laga cabinet te ekta Minister thake she, tai laga resignation letter tog Vice President C. P. Radhakrishnan ke de she Thursday te. Tai eku jankare de nai, tai kile resign kurea ase. 46 sal Mr. Barik toh August 19, 2023 te Upper House te elect hoi she. Tai laga tenure tog August 18, 2029 te khotom hobole thake she. Tai toh 2024 laga Lok Sabha election te be khele she, Alipurduar constituency te para, hoile be BJP laga Manoj Tigga laga hath te para hare she.
Trinamool Congress MP Prakash Chik Barik toh resign kure she Rajya Sabha te para
