Trinbago Knight Riders pora title jetise

Agencies, 17 September: Sunday din Brian Lara Stadium, Tarouba jaga de Trinbago Knight Riders pora title jetise. Tai khan Caribbean Premier League title toh Guyana Amazon Warriors logode 8 wicket pora haraide kena lowah thakise. Trinbago Knight Riders nemide etu par title lowah meli-kena third par wala hoise. Jowal sal final de 66 score pora jeta bechide, etu par arobe opener Colin Munro pora out nahoi kena 68 score pora jeti lowah thakise. Knight nemide etu toh full performance thakise. Tai khan Warriors logode 20 overs de khali 150 score he bonabole deya thakise. Pani-keri thaga final de Dwayne Bravo pora toss jeta thakise aro tai khan first bowl juna thakise. Worriors laga khelari Luke Ronchi 44 top score thakise.  Khary Pierre toh kathara wala thakise, tai tinta wicket lowah karni Warriors toh 79/2 pora 109/8 howah thakise. Romario Shepherd aro Rayad Emrit pora be out kora karni Worriors toh 20 overs de 147/9 howah thakise. Etu ke jawab debo karni Kiwi pair Brendon McCullum aro Colin Munro pora Knight Riders logode motob kora thakise. Baz pora 39 off 24 mara thakise aro Munro pora 33 balls de 50 bona thakise. 18-overs time de jetibole runs mara toh southpaw thakise. Etu pora stadium toh gorom-gorom kushi mana thakise. Colin Munro ke be Man of the tournament karni juna thakise. Kelay koile tai 500 runs pora opor aro six half-centuries mari-kena thaga karni.