AGARTALA | Oct 10, 2019: Holy Cross School Pabiachhara Kumarghat te Class IX student GBP hospital te murishe .Etu bi tai ke hostel warden para torture kura pichede.Etu murijaa student laga naam toh Happy Debbarma ase.
Sources khan kuwa hisaab te ekta FIR lodged kurishe etu Holy Cross School Kumarghat laga khilaaf .FIR hisaab te etu warden para Happy Debbarma ke torture kuri thakeh okobi reason nathakikena. September 25, te etu warden Happy’s room te ghussikena laat marishe aro etu student jhokom paishe .
Etu din te Happy tai laga ama Rajmala Debbarma kotha kurikena hostel laga bahar te olaishe. Rajmala, kuwa hisaab te tai laga bacha para etu jhokom paa laga complained kurishe .
Rajmala koishe tai laga mota bacha toh October 6 te Puja vacation nimete ahise.Hoilebi tai bishi beemar hoikena jhokom paa dagi thakishe tai laga body te .Tai ke etu jhokom laga hudah timete Happpy tai laga ama ke koishe etu hostel warden para tai ke biya para marishe.
Etu pichede Rajmala para tai laga jhokom paa bacha ke Manu Hospital te luijaishe etu para tai ke GBP Hospital te luijaishe.Checkup kura pichede doctor para Happy ke test nimete luijaishe.Hoilebi etu 16-year-old Happy toh bachabole paranai aro GBP hospital 8 October rati te murishe.
Add Comment