April 20, 2021. Tripura police osor te National Liberation Front of Tripura (NLFT) laga hardcore tuita(2) cadres surrendered korishe. Etu tui(2) jun NLFT rebels para North Tripura SP aro DIG (North Range) Lalhminga Darlong logot surrendered hoishe. Surrendered kora NLFT cadres toh Bangladesh te training loishe aro tai jun toh Nagaland te NSCN members khan logot bohi thakishe koishe. Tai jun para bantok logot surrender hoishe aro etu samai tinta(3) pistol logot goole thishe. Surrendered kora NLFT cadres khan laga nam toh Kishore Jamatia aro Joseph Jamatia alias Kishore alias Michel alias Shuva Kumar thakishe koishe. Uttam Kishore Jamatia toh Gomati district Udaipur para ase aro tai toh 2001 saal te NLFT joined korikena Chittagong Hill Tracts, Bangladesh te training loishe. “(Uttam Kishore Jamatia) para NLFT logot melikena besi operation korishe, etu oper te South Tripura district Chechingcharra te 17 CRPF jawans logot hamla kora te be samil ase aro CRPF laga tuita(2) bus te be hamla korishe aro kidnap kora cases besi ase,” koikena police para statement te janaishe. Dosura NLFT cadres surrendered howa toh NLFT’s D Umthai faction laga self-styled sergeant, Joseph Jamatia ase. Tai toh NLFT aro NSCN-IM pithor te tangor linked ase aro tai toh Dimapur Nagaland te NLFT laga ‘town commander’ thakishe koishe. April 2017 saal te, Joseph Jamatia para Jampuijala police station pithor te MGNREGA funds Rs 18 lakh chor kora te samil ase koishe.
Tripura: 2 hardcore NLFT cadres surrender hoishe
