Agartala, September 24, 2025: Tripura laga Chief Minister para Assembly te janai dishe ki. Yete ja 3da saal nishina te. Tripura laga state te 3,518 Illegal Immigrants khan ke durishe koishe. Aru yete 2,739 manu nishina khan ke taikhan nijor laga Country te wapas pathai dihe. Aru etu lagate Tipra Motha MLA Ranjit Debbarma para koishe ki. Security agencies aru Central Forces khan mili kina operation kuri kina. International Border khan te 856 km nishina te duty kurea ase koishe.
Aru Saha para koishe ki. 2022 saal te 982 bahar manu ke durishe. 2023 saal te 1,072 nishina ke durishe. 2024 saalte 1,007 ke durishe aru August 2025 tak te 412 ke durishe koishe. Aru etu khan majote Bangladeshi, Rohingyas aru Nigeria aru France khan bi thakhishe koishe. Aru yete operation kuri kina 2022 saal te 911 khan ke wapas pathaishe. 2023 te toh 657 nishina. 2024 te 690 nishina aru August 2025 te 481 nishina.
Add Comment