Agartala, June 14, 2026: Ekta 26 sal Bangladeshi manu mure she, Border Security Force laga firing te, India-Bangladesh border osor te, Tripura laga Unakoti district te. Murea laga nam toh Mujibur Rahman Mujib thake she, tai toh Bangladesh laga Moulvibazar district te para ase koi she. Police khan laga hesab te, mamla toh Friday laga sam phane hoi she, Latiyapura bosti osor te. Report hesab te, Bangladeshi manu kumba toh India te gushe bole pare she, aro smuggling laga kam khan kure thake she border osor te. BSF khan kun petrol kure thake she, utu manu khan ke rokha bole khushesh kure she, tateh para he firing kurea shuru kure she. Mujib toh jaga te para he mure jai she, alak khan toh Bangladesh betor te wapas polai jai she koi she.
Tripura: Bangladeshi manu mure she, BSF firing te, Tripura border osor te
