Regional

Tripura BJP para March 5 te IPFT, Tipra Motha logotey meeting rakhibole

March 23, 2024
13 Views

Agartala, March 22 : Lok Sabha election hobole ageyte, BJP tu taikhan laga sob leader aro Indigeneous Front Of Tripura (IPFT) aro Tipra Motha laga leader khan logotey 25 March te Agartala te ekta jaruri meeting rakhibole asey.

India Today NE logotey exclusively kotha kurikina, BJP laga ekjun senior leader, kun tailaga naam lobole dibole mon thakanai tai para Thursday din te kosiley ki party laga election management meeting tu party office te hoisiley. 

Etu meeting te East (ST) Parliamentary seat candidate Kriti Singh Debbarma, Chief Minister Prof. Dr. Manik Saha, BJP state president Rajib Bhattacharya aro dusra state leader khan mojud thakisey. 

BJP source para koisey, “Etu tu BJP laga taikhan laga candidate Kriti Singh Debbarma logotey candidate huwa picheyte first meeting asey. Etu meeting chuli thaka homoitey, amikhan para ahibole thaka election laga discussion kurisey, aro etu campaign tu kamyabi nimitey ekta jaruri kadam asey koikina janaisey. Etu opor te, etu tu electorate te nutun select huwa candidate ke introduce kuribole laga platform nisna bi serve kurisey.”

Tai para agey barikina janaisey ki joldi hi election laga tayari aro election nimitey blue print outline kora laga mamla te  BJP party para BJP, IPFT aro TIPRA Motha logotey ekta meeting rakhibo.

Tai para koisey, “BJP ke duita seat te bi campaign kuribole nimitey taikhan laga alliance te thaka party laga cooperation lagiya nimitey, khas kurikina East Tripura Lok Sabha seat te. Amikhan laga party para bi IPFT aro TIPRA Motha nisna tribal area te bhal perform kuri asey. Amikhan tu amikhan laga alliance partner ke respect kora laga importance bujey. Aro IPFT aro Tipra Motha amikhan logotey alliance te thaka nimitey amikhan para taikhan sob logotey election ke loikina ekta meeting rakhibole faisla kurisey.”

Etu meeting ke BJP laga  100 leader aro workers para attend kuribole asey. Aro etu meeting tu 25 March te Hotel Sonar Tori te hobole asey.

Etu opor te tai para koisey ki taikhan tu hobole thaka election nimitey upcoming plan, roadmap aro alag joint programme discuss kuribole asey.