Agartala, March 26 : Tripura te hobole thaka Lok Sabha election nimitey Bharatiya Janata Party (BJP), TIPRA aro Indigeneous People’s Front of Tripura (IPFT) laga leader thaka ekta coordination committee banaisey.
Tripura West Lok Sabha laga election aro Ramanagar assembly seat laga by-election tu April 19 te hobole asey aro Tripura East Lok Sabha seat nimitey voting tu April 26 te hobole asey.
TIPRA laga ekjun senior leader aro Tripura forest minister Animesh Debbarma para confirm kurisey ki etu 3-member committee te BJP state president Rajib Bhattacharjee, TIPRA leader Pradyot Kishore Mnaikya aro IPFT president Prem Kumar Reang thakisey.
Debbarma para samjahisey ki etu committee form kuribole laga faisla tu BJP, TIPRA aro IPFT para Monday (March 25) te huwa ekta meeting te pungchisey.
Etu committee para Tripura te election process laga sob aspect ke sabole asey.
Tripura BJP president Rajib Bhattacharjee para Tuesday(March 26) te koisiley, “Gatbandhan khan majotey, effective coordination ensure kuribole nimitey, ruling BJP, Tipra Motha aro IPFT laga senior leader khan para ekta meeting rakhisey aro duita Lok Sabha seat laga ahibole thaka election nimitey aro Ramnagar assembly seat laga by-election nimitey ekta meeting rakhisiley.”
Etu meeting ke Tripura Chief Minsiter Manik Saha, state BJP President, TIPRA leader Pradyot Kishore Manikya Debbarma aro IPFT president Prem Kumar Reang para attend kurisiley.
Bhattacharjee para koisey ki BJP para chola alliance para Tripura te ekta unified campaign conduct kuribo.
Tai para etu khulasa kurisey ki Tripura West Lok Sabha laga BJP candidate Biplab Kumar Debaro by-election laga candidate Dipak Majumder para April 27 te taikhan laga nomination paper file kuribo.
Etu opor te, Tripura East Lok Sabha seat nimitey BJP candidate Kriti Singh Debbarma para April 28 te tailaga nomination submit kuribo.
Add Comment