Tripura: BSF Officer nejor Service pistol para marishe

April 22, 2022: Tripura Dhalai district battalion headquarters bahar te Border Security Force (BSF) official ek jun tai nejor laga service pistol para marikena morishe, koikena khobor toh Thursday din authorities para junaishe. PTI report hesab te, etu hatsa toh BSF camp’s main entrance aro Jawaharnagar jaga osor Wednesday rathi te howa ase koishe. Mori-jowa Border Security Force (BSF) toh Rajasthan manuh thakishe aro taii toh MK Para border check, Dhalai te stationed thaka ase. “tai mora toh hoile suicide kora ase. Police para etu hatsa nemite, ke para morishe investigate koribo, koikena BSF official para janaishe. Superintendent of Police (SP) of Dhalai – Ramesh Yadav para koishe ke, Border Security Force (BSF) jawan toh Kulai district hospital te 9 PM samai loikena jaishe. “prima facie hesab te, BSF officer toh tai nejor service handgun para marikena mora ase. Ami khan para etu hatsa nemite investigation jai ase aro unnatural death koikena case file korishe,” koikena Yadav para janaishe. Tai para aro koishe ke, BSF officer laga body toh itya post-mortem nemite putiashe.