Tripura Cabinet para 164 doctors appointment manishe

May 9, 2021. Tripura Cabinet para state te second wave Covid-19 saboli nemite 164 doctors toh Tripura Public Service Commission (TPSC) pithor te emergency basis nemite appoint koriboli manaishe. Etu moina moina pithor te recruitment kam kotom koribo nemite notification issue koribo, koikena  Tripura education minister Ratan Lal Nath para State Secretariat te reporters logot janaishe. Minister Nath para koishe ke, etu contract te Covid-19 bemari manuh khan ke elaj kora samai doctors khan ke 10 marks incentive thibo. Nath para aro koishe, itya dak contractual basis te doctors appointment nemite 305 doctors khan para applications submitted korikena ase. Tai koishe, Tripura te Covid-19 bemar saboli nemite  doctors khan besi ase. Minister aro koishe ke, Friday din te Covid-19 halat saboli nemite State Cabinet meeting te kotha koishe. Itya dak te MBBS doctors nemite 118 vacancies ase, homeopathic doctors nemite 3 vacancies aro dentists (BDS) nemtie 27 vacancies ase. Tripura government pithor te alag-alag hospitals te sob melaikena 997 MBBS doctors, 18 homeopathic doctors, 42 Ayurvedic doctors aro 53 dentists (BDS) khan kam kori ase janaishe. Etu oper te 205 Ayurvedic & homeopathic doctors, 48 doctors (BDS) aro 5 MBBS doctors khan toh National Health Mission (NHM) pithor te kam kori ase. “Cabinet para 164 MBBS doctors toh Tripura Public Service Commission pithor te juniboli fesla korishe,” koikena education minister Nath para janaishe. Tai aro koishe, etu moina pithor te recruitment kam toh kotom hobo aro khobor toh joldi te janai thibo. Nath koishe, “recruitment test samai API te 100 marks aro interview samai 15 marks thakibo.” “kaun manuh para Covid-19 bemari manuh elaj koribo, tai khan ke 10 marks incentive thibo,” tai koishe. Tai koishe ke, olop din akhe te Tripura government para Covid-19 bemar manuh ke elaj koribo nemite 100 contractual doctors hire korishe. May 5 darik toh applications submit hoboli last darik thakishe. Etu nemite deadline toh aro May 10 darik dak othaishe.