June 13, 2021. Tripura chief minister Biplab Kumar Deb para first Kisan Rail train toh Northeast para Agartala railway station para jarishe koishe. Etu train te Adarshanagar, Delhi nemite 8,990 kg, pineapple pukishe aro Guwahati nemite 1,145 kg pineapple aro jackfruits loikena jaishe koishe. Indian Railways para “Kisan Rail” toh jowa saal August moina para farmers khan laga agri-saman neshina milk, meat, fish toh tai khan laga income othabo nemite transport kora soruh hoikena ase. “Kisan Rail inaugurate kora toh hoile, itya agricultural saman laga transport daam toh besi komti hoboli ase koishe. Puila te etu saman air te putaboli toh per kg te Rs 20 para 50 dak loi thakishe. Hoilebi itya toh Delhi nemite Rs 2.25 per kg, Guwahati nemite 88 paise thakibo, koikena Deb para train flag kora beche junaishe. Chief minister para koishe ke, itya toh bemari thaka nemite kali pineapple aro jackfruit ekla putaishe. “paddy, lemon, cashew nut, dragon fruit aro Kashmiri Apple Ber toh be state te olai ase aro etu saman toh bahar te besi popular ase, etu nemite etu saman toh next time para putaboli koribo. Government para farmers laga income toh double koriboli sai ase, koikena Deb para janaishe. Prime Minister Narendra Modi laga leadership pithor te Centre laga kam toh primary sectors othaboli nemite aro Kisan Rail kuliboli nemite ase, koikena CM para aro janaishe.
Tripura CM para Northeast 1st Kisan Rail flags off korishe
