AGARTALA , September 11, 2019 : Tripura chief minister Biplab Kumar Deb para Wednesday phujur te Khowai district te nutun bona court building khulidishe.
Etu bona kaam toh November 2016 te shuru kurishe aro etu bonabole nimete Rs eight crore 25 lakhs jaishe.
Etu time te thaka Left Front government khan bhabona kuri thakishe etu Khowai district laga sob court toh ekta anibole nimete.Etu nimete tai khan etu building bonabole shuru kurishe.
Khowai district aro session court, CJM court, SDJM court aro family court toh etia para ekta nutun bona court building para hi kaam kuribo.
Chief minister para retu occasion te kotha kura time te predecessor Manik Sarkar uporte kotha kurishe hoilebi tai laga naam olanai.
Deb koishe ki”Tai para good governance toh Prime Minister Narendra Modi para hikihse.Tai dusra manu khan para advice lobole mun nai kun khan tai khan laga fields te thik kaam kuranai.”
Biplab Deb”25 sal nimete Left Front government khan state te rule kurishe.Hoilebi Tripura te tai khan laga work culture toh thik thakanai.”
Tai koishe “Employees khan poisa pai thakishe hoilebi kaam toh thik para kuri thakanai.Tai aro koishe tai ke quality aro result ola laga kaam lageh .
Biplab Deb koishe 18 moina te state te kiba ekta bodli hoishe hoilebi sob toh bodli huwanai.Deb aro koishe ki tai laga government khan Tripura ke drugs free bonabole nimete kotha kurishe.
Manik Sarkar ke obliquely uporte kotha kura time te tai koishe chief minister 20 years experience thakikena okobi kuranai etu state te drugs business toh bondh kuribole nimete .
Chief Justice of Tripura High Court Sanjoy Karol, duita judges Subhasis Talapatra aro Arindam Loadh Tripura High Court aro dusra khan etu programme te thakishe.
Add Comment