Tripura, 9 September : Tripura laga healthcare system ekta dangor step forward mark kori thakise jitia doctors khan Agartala Government Medical College (AGMC) aru GBP Hospital te state laga 4th consecutive kidney transplant complete kori loise.
Recipient ekjon 23 saal laga lora ase, juntu Rabindrapalli, West Taranagar, Sidhai Mohanpur pora ase. Tai operation undergo kori thakise tai laga 45 saal laga ma pora kidney receive kori, aru health officials confirm kori dise ki patient aru donor duijan bhi bhal recover kori thakise.
Itiya itu complex operation AGMC & GBP Hospital aru Manipur laga Sija Hospital and Research Institute joint effort pora complete hoise.
AGMC laga team majot thakise nephrologists Dr Manas Gop, Dr Samaresh Pal, Dr Reshmi Das aru Dr Udayan Saha, aru urologists Dr Mukut Debnath, Dr Bijit Lodh aru Dr Jiban Debnath. Manipur pora, transplant surgeon Dr Soumorendra Pounam, Dr Maharabam Mahili aru anesthesiologists Dr Kajal G. Momin aru Dr Gayatri S. Pillai dangor role play kori thakise, aru AGMC laga anesthesiologists Dr Bhaskar Majumder, Dr Ranjit Riang aru Dr Tapan Debbarma bhi support dise.
Surgery nursing staff, operating theatre technicians aru transplant coordinator Himadri Kar pora support kora hoise, aru Senior Nursing Officer Tapati Chakraborty laga supervision te complete kori dise.
Add Comment