Tripura: Duita Guru Lightning laga Shock para murishe

Agartala, May 18, 2025: Yete ekta khobor te. Guru khan ke kheti te sapha kuribole rakhea te. Duita Guru nishina toh murishe koishe lightning laga Shocks-Effect para. Etu toh Belonia laga Gaborcherra ADC Bosti te ase. Aru etu toh Hrishyamukh Police Station laga bitor te ase koishe. Yete Police khan laga Khobor hisab te. Bimal Majumder (49) toh Gaborcherra ADC Bosti te kheti kurea manu ase koishe. Aru tai para duita guru nishina bandi dishe koishe. Phuzur te, tai laga ghor osor te. Etu 9:00 am homoi te thakhishe. Yete panni aru thunder jor para mari thakhishe koishe. Yete Guru khan wapas ghor na anea agea para. Lightning direct marishe koishe duita guru kebi Aru jagate murishe koishe. Kheti kurea manu Bimal Majumder toh tai laga Guru wapas anibole tara tari kurea homoi te. Tai laga guru duita bi mati te muri kina dikhishe koishe. Aru taibi Kandishe koishe. Aru tai para koishe ki. Etu duita para taike poisa kamabole laga rasta thakhishe koishe. Aru janai dishe ki. Etu guru toh Rs 3 lakhs nishina ase koishe. Yete Nakul Paul (45), President of BJP’s Hrishyamukh ‘Mandal’ toh jagate ahishe koishe. Aru Kheti kurea Bimal Majumder ke comfort kurishe. Aru Government laga rule para taike poisa bi olop dibole janai dishe koishe.