Tripura: Girls school deh 15 maike bimar hua piche deh Hostel warder, caretaker keh hatai di shae

June 21, 2024: Bodhjung Girls Higher Secondary School laka kom seh kom 15 students kan bimar hua piche deh, Tripura government para Friday din deh hostel warden aro caretaker keh hatai di shae. Maike kan tho baet aro chest bikai nah bimar hui jai shae, food poisoning taka karne. Tribal Welfare Department S Prabhu laka additional secretary aro director para Maharaja Bir Bikram Welfare Residential Hostel laka secretary/president keh ekta letter patai shae. Etu letter deh tai para tostha students kan baet bika laka complain kura piche deh Agartala Government Medical College (AMC) aro Govind Ballabh Pant (GBP) hospital deh admit hui shae kui shae, June 20 deh. Hostel laka inspection kura time deh, jaka tho saba taka nai kui nah pai shae. Report laka ispa deh, Tribal Welfare Department para circulate kura food menu isap deh kah saman tho dia taka nai kui shae. “Etu kan sai nah, Hostel warden aro caretaker keh phat terminate kuri bole kam tho di nah ase aro June 21 2024 din pitor deh, termination laka copy tho office deh submit kuri bole lakeh.”