Tripura : Indrasena Reddy Nallu para 20th Governor huwa laga kosom khaisey

Agartala, October 26 : Indrasena Reddy Nallu para Thursday din te Tripura laga 20^th Governor huwa laga kosom khaisey.

Tripura High Court laga Chief Justice, Apresh Kumar Singh para Raj Bhavan laga Durbar Hall te  nutun appoint huwa Governor  ke kosom

Etu ceremony te, Governor Nallu para etu occasion te mojud thaka izzadar manu khan logotey politeness exchange kurisey.

Etu occasion te mojud thaka manu khan majotey Tripura laga Chief Minister Dr Manik Saha, Justice Arindam Lodh, Chief Secretary JK Sinha, State Director General of Police Amitabh Ranjan, Tripura Legislative Assembly Chief Whip Kalyani Roy, Mayor Dipak Majumder, State BJP President Rajib Bhattacharya aro CPM State Secretary Jitendra Chowdhury aro alag administrative dangor official khan thakisey.

Etu kosom nuluwa ageyte, Governor Nallu ke poila para kurikina aha nisna Raj Bhavan campus te, guard of honour para somman disey.

Reporter khan logotey kotha kurikina, Governor Indrasena Reddy Nallu para taikey Tripura laga Governor appoint kora nimitey  India laga President ke dhanyabad janaisey.

Tai para rajya ke develop kuribole nimitey kaam kuribole kosom khaisey aro rajya aro Chief Minister logotey osor para milikina kaam kurikina rajya laga manu khan ke kiman parey eman agey loijabole karney hosa laga takat dhalibole laga commitment bi janaisey.