AGARTALA , August 22, 2019 : Indigenous People’s Front of Tripura (IPFT), BJP-led government laga alliance partner khan koishe tai Tripura Tribal Areas Autonomous District Council (TTAADC) election nijor para kuribo koikena janaishe.
IPFT’s assistant general secretary and party’s spokesperson Mangal Debbarma para koishe etu Assembly election Tripura, pichede IPFT khan etu pura election ekla hi contest kuribo.
Tai koishe tai khan BJP logote alliance lageh sob election nimete hoilebi BJP leaders khan mon diya naiu aro etu nimete tai khan nijor hi election contest kuribo.
Aro etia etu possible thakibo tai khan ekla hi ADC election kuribo etu toh aha sal thakibole ase. Mangla Debbarma Wednesday rati Agartala Press club te press conference luwa time te kotha kuri thakishe .Tai koishe IPFT khan ekla hi election fight kuribo hoilebi tai khan dusra political parties khan logote bi kotha kuribole mun ase .
Tai aro koishe ki etu possible ase tai khan ADC election te dusra parties khan logote milibole nimete .Hoilebi tai koishe ki tai khan etia tak BJP logote milaikena ase aro tai khan etia tak State Government coalition partner ase .
Tai para koishe ADC election para state laga coalition government ke dikdaar napabo. Assembly election, pichede BJP khan IPFT ke mondiyanai.Etu nimete tai khan sob elections independent para contest kurishe.
Sixty member Tripura assembly, IPFT logote eight MLAs aro BJP logote 36 MLA ase. Mangla Debbarma tai laga party khan Tripraland statehood demand day Khumlung Friday te manibole ase .
Meghalaya Chief Minister Conrad Sangma, Manish Tamang, Biswajit Dumari, Nirodh Reddy etu programme te shaamil kuribole pareh.Aro IPFT khan para alag state mangi ase .
Add Comment