Agartala, March 5, 2026: Thursday laga phuzur te. Unakoti District laga Nurpur Choumuhani Bazaar toh Gournagar RD Block laga bitor te ase koishe. Yete jui para 9 dukan nishina pura julai dishe koishe.
Local manu khan laga khobor hisab te. Etu jui toh 5:30 am homoi te ulaishe koishe. Aru yete para alak dukan khan kebi jui toh philai kina lagishe koishe. Yete Grocery laga dukan, mithai laga dukan, Pathology Laboratory aru Motorcycle repair kurea laga dukan khan sob julishe koishe.
Aru etu dukan ekta te Rs 3 – Rs 4 lakh laga saman khan pura julishe koishe. Yete para malik khan bishi loss khaishe koishe. Bishi manu khan toh saman kini kina rakhi thakhishe koishe. Yete Ramadan ahea homoi nimete. Yete para local Trading Community khan nimete bishi munduk kuri dea ase. Local manu khan jui toh mutabole kushish kurishe. Hoilebi jui toh bishi kara hoa nimete parea nai. Yete Fire aru Emergency Services khan ahi kina mutai dishe. Hoilebi saman khan toh pura juli jaishe koishe. Aru taikhan suspect ase ki. Etu jui toh light shock hoa para suru hoishe neki koi ase.
Add Comment