Agartala, November 12, 2025: Unakoti District laga Kailasahar Town te. 46 manu nishina ke Dengue bimar lagishe koishe. Aru 13 manu khan toh Hospital te treatment kurea ase koishe. Aru town te thakhea manu khan chinta hoi ase koishe. Hoilebi etea tak kunbi etu bimar para murea nai.
Yete Dr Rohan Paul of Hospital para koishe ki. Kailasahar te Dengue bimar bishi thakhea laga jaga ase koishe. Aru Hudai saal Dengue bimar khan toh thakhea koishe. Aru tai para koishe ki. Bimar manu kunba khan toh Doctors khan ke nadudi kina Dengue laga dawai khan khai ase koishe.
Yete tai para janai dishe ki. Manu khan Dengue laga test lobole janai dishe Hospital khan para. Aru yete Health ke risk naloi kina dawai khan thik thak khabole janai dishe. Aru yete ghor bahar aru bitor khan te panni thakhea te. Bhal para sapha bi kuribole janai dishe. Kile koile panni bishi thakhea jaga para Mosquito khan jonom hoi. Aru etea Kailasahar toh under control te ase koishe. Aru manu khan ke chinta nakuribole janai dishe.
Add Comment