Tripura khan Rs 87 Crore paishe Rasta Banabole

Agartala, March 30, 2026: Tripura laga Chief Minister Manik Saha para yete Rs 87 Crore nishina dishe koishe. Yete State pura te Infrastructure khan uthai dibole. Rasta khan banabole aru Public Health khan bi bhal kuribole karne.
Yete taikhan para koishe ki. Project Rs 32.33 Crore laga poisa toh dishe koishe. RCC Nala aru Rasta khan banabole nimete. Etu toh Agartala Municipal Corporation (AMC) laga alak alak wards khan te.
CMO para koishe ki. Aru alak haat te. 27 PMGSY laga rasta toh 12 Sub-Division te ase koishe. Etu laga kaam kuribole karne Rs 55.16 Crore nishina dishe koishe. Aru yete sob milai kina 129.5 Kilometres dur nishina ase koishe. Etu toh State laga PWD bitor te ase koishe.
Yete Sonamura, Bishalgarh, Teliamura, Mohanpur, Udaipur, Amarpur, Sabroom, Belonia, Ambassa, Kamalpur, Kanchanpur aru Kailashahar laga sub-divisions khan toh etu project para laab pabole ase koishe. Aru etu kaam khan toh Durga Puja nahoa laga agea para khotom kuribole ase koishe. Aru Chief Minister para Thursday din te. Meetin bi loishe koishe Senior Officials khan logote.