Agartala, December 27, 2025: December 25, Thursday din te. Tripura Legislature Assembly laga Speaker Biswa Bandgu Sen toh murishe koishe. Tai toh 72 saal ase koishe. Aru Aster CMI Hospital te treatment loi thakhishe koishe.
Tai toh August laga moina para brain Haemorrhage bimar thakhishe koishe. Aru taike AGartala laga Hospital te loijai kina Emergency Surgery kurishe koishe. Etu pichete taike Bengaluru te loi jaishe koishe. Enika Treatment di thakhi kinabi bhal hoa nai koishe. Aru December 27 din te Tai laga body toh Tripura te wapas anibole ase koishe.
Tripura Chief Minister Manik Saha para Social Media te murishe koi kina janai dishe. Aru Sen laga family khan ke Condolences dishe koishe. Sen toh 13th Tripura Legislature Assembly laga Speaker ase koishe. Tai toh Dharmanagaer Assembly Constituency represent kurea koishe. Aru taike Assembly te Charbar elect kurishe koishe.
Tai toh Congress laga party para suru hoishe koishe. Yete tai duita term nishina jiti kina ahishe koishe. Aru etu pichete tai toh Bharatiya Janata Party te ahishe koishe
Add Comment