Agartala, February 2, 2026: Yete ekta bia khobor te. Tripura laga student ekjun toh Kolkata te murishe koishe. Aru kinaki murishe najani kina ase. Etu toh Kolkata laga Scottish Church College laga Hostel te ase. Etu jamala para College laga Campus pura te chinta kuri dea ase koishe.
Etu murea student toh Rishita Banik ase koishe. Tai toh Tripura para ase. Aru tai toh etea 3-Year Undergraduate Student ase koishe College laga. Aru tai laga murea body toh College Hostel para paishe. Aru etu student maiki murea toh January 31 din te janai dishe koishe. Yete munduk aru chinta hoi thakhishe koishe Hostel te thakhea khan.
Police aru College khan laga khobor hisab te. Rishita ke January 24 din te Bihosh hoi kina paishe koishe Hostel laga room te. Tai laga halat dikhi kina tai laga hostel mates khan para RG Kar Medical College and Hospital te pathai dishe koishe. Hoilebi Doctors khan murishe koi kina janai dishe koishe. Aru exam kurea pichete. Tai laga bodom te eku jokhum khan dikhea nai koishe. Yete bitor aru bahar khan tebi. Kolkata Police khan para etu upor te case dali dishe koishe. Aru taikhan suspect kurea khan toh Poison khilai dishe neki koi ase. Hoilebi sure nai. Etu karne Police khan etea investigation khan kurea ase.
Add Comment