Tripura: Manu ekjun ke life jail te dali dishe

Agartala, February 14, 2026: Special Public Prosecutir Jaynata Chowdhury para koishe ki. 52 Saal manu ekjun ke life jail te dali dishe koishe. Etu toh POSCO Court para. Etu toh Thursday din te thakhishe koishe. Yete tai para 11 saal laga Stepdaughter ke rape kurea nimete.
Yete fine bi Rs 5,000 nishina loishe. Etu jamala toh April 15, 2024 saal te hoishe koishe. Yete Ama toh taike aru Shadi kurishe koishe. Aru tai toh kaam karne bahar ekbar ulaishe. Aru wapas ahea homoi te. Tai laga bacha maiki toh khun ulai kina paishe koishe. Yete ama laga modot huni kina ghor osor thakhea manu khan bacha ke Hospital te loijaishe koishe treatment kuribole.
Etu loi kina FIR dali dishe koishe. Etu toh Mandai Police Station te April 16 te dalishe koishe. Police khan para FIR loi kina Investigation kurishe koishe aru Charge sheet toh dishe koishe. Yete para taike Thursday din te jail te dali dishe.