Tripura-Mizoram gas pipeline project toh 2027 te khotom hoijabo koishe.

Agartala, December 16, 2025: Officials khan para Monday te koishe ki Tripura-Mizoram gas pipeline project toh 2027 te khotom hoi jabo.

119.5 km laga pipeline halei ase, Panisagar Tripura para Sihhmui Aizawl tuk. Kam toh 20 percent neshena toh khotom hoishe koishe. Etu operations khotom ho piche te, etu pipeline khan natural gas debo Mizoram khan ke, Aizawl te buhe manu khan ke sobse modok pabo etu project para.

Indradhanush Gas Grid Limited (IGGL) laga ekta delegation Mizoram laga Chief Minister Lalduhoma ke lok paishe, Aizawl te, tai ke kam khan kina ja ase khobor debole aro kam khan kurebole ki duk pa ase etu khan CM ke jankare deshe.

Etu meeting te IGGL laga officials para koishe ki pipeline toh Panisagar Receving terminal, Tripura para shuru kuru bo. Aro Kanhmun, Zawlnuam, Kawrthah, Tuidam aro Darlak laga betor jai kena Mamit, Mizor te punchi bo. Aro tateh para Lengte phane jai kena, Sihhmui Receiving Terminal te khotom kurebo koishe. Etu terminal toh 21 km dur ase koishe Aizawl para. 

Officials khan para koishe ki etu domestic gass connections Aizawl ke toh Tripura Natural Gas Corporation Ltd. para debo koishe.