AGARTALA | NOV 19, 2019: Tripura Chief Minister Biplab Deb para koishe ki Mughals khan para state laga cultural wonders khan biya kuribole bhabona kuri thakishe tai khan laga arts and architectures ke bomb marikena .
Agartala social club para Sunday din te “Sharad Samman” laga event te kotha kura time te Deb para manu khan ke social media chulabole kotha kurishe state laga beauty aro cultural heritage ke promote kuribole nimete .
Tai koishe”Tripura logote bishi wonders ase manu khan etia tak najaana .Mughals khan bhabona kuri thakishe Tripura laga culture biya kuribole nimete arts and architectures ke bomb para udai dikena.”
Tai koishe “Matabari laga goddess toh divine ase etu te tortoise toh temple tak jai ase last breath tak jaikena .Etu sob wonders khan share kuribole lageh social media te kile koile bishi manu khan Tripura wonders laga kotha khan najaneh.”
Chief Minister’s Office (CMO) para statement te koishe ki Tripura tourism te special advertisement nalageh judi sob manu komti hoilebi five tourist attractions and wonders post kura shuru kurishe koile toh.
Statement te aro koishe ki enika kurikena Tripura toh duniya pura te popular hoijabo aro state government khan ekta photo aro video competition shuru kurise tourism ke promote kuribole nimete .
Hoilebi statement te kuwa nai kuntu architectural wonders thakishe Mughals khan phangaidibole mun thaka toh .
Add Comment