Agartala, February 16, 2025: Yete Tripura tee tea manu bishi murea ase koishe rasta te Accident hoi kina. Yete etea sobse nutun khobor tebi, Ekta Youth Biswaroop Das toh 27 saal ase koishe, yete tai toh bike Chula homoi te, agea para gari ekta ahi kina accident hoishe koishe, tai toh jaga jag ate murishe koishe. Yete etu murea manu toh Private Company te kaam kurea koishe. Aru tai toh tai laga ghor para Amtoli Jaga te jai thakhishe koishe.
Hoilebi yete Nagicherra osor te, tai laga bike toh gari ekta ageate speed para ahi kina mari dishe koishe. Yete Biswaroop aru tai laga bike toh girishe, aru Gari toh taike aru tai laga bike chupai dishe koishe. Yete tate thakhea manu khan phat ahi kina taike GB Hospital te loi jaishe koishe, aru tai tohmuri kina anishe koikina khobor dishe.
Police khan toh bike toh paishe koishe, hoilebi etu garri ke duribole parea nai koishe. Yete Daspara jaga khan te thakhea manu khan bishi munduk hoishe koishe, aru manu khan para koishe ki, tai toh bishi bhal manu thakhishe koishe, aru tai toh February laga moina khotom hobole homoi te shadi bi kuribole thakhishe koishe.
Add Comment