Tripura NE laga first 3D printing solution centre paishey

AGARTALA, SEPT 11: Tripura laga Chief Minister, Manik Saha Tuesday din tey Northeast laga first 3D Printing Solution Centre inaugurate kurishey Agartala Government Dental College tey. Event ke address kurina, Saha, kun toh state laga Health Minister bi asey, kuishey ki state government laga main aim toh Tripura tey ekta education aru health hub establish kuri bole la asey, kuntu government karne ekta priority sector thaki asey. “Ami khan kaam kuri asey state tey ekta education aru health hub to bana bole. Ami Union Health Minister JP Nadda logo tey Homeopathy aru Ayurvedic Medical Colleges khan set up kuri bole opor tey kotha kurishey. Ami khan try kuribo lage. Ami khan kaam kuri asey ekta AIIMS- nahoilebi RIMS- nishena hospital establish kuri bole. Kidney transplants khan toh ami khan kitya na bhabiya cheez thakishey,” Dr. Saha para kuishey. Tai itu milestone tey khushi express kurishey, state kurina ki etu 3D Printing Solution Centre laga inauguration toh Agartala Government Dental College laga topi tey aru alak ekta feather toh mark kure. “Ami khan Agartala Government Dental College ke desh tey ekta model institution hobole dibo mon asey. Sob manu itu college ke jaani bole lage. Ami faculty khan ke etu latest technology toh chula bole request kure,” tai kuishey. Saha aru agey jaina announce kurishey ki Tripura Northeast tey first state asey Dentak College tey ekta 3D Printing Solution Centre bana bole.