AGARTALA , August 21, 2019 : Tripura laga paanchta policemen khan ke hataidishe kaam para olop din akhe te chamela ola pichede .Etu te Tuesday din te duita suspension dishe .
Ekta Police constable Pritam Bhowmik ke hataidikena Agartala CJM court Tuesday te luijaishe rape case nimete . Pritam Bhowmik toh Tripura VIP laga personal guard thakishe .
Public prosecutor Bidyut Sutradhar koishe”Ekta 31 sal maiki koe Agartala laga outskirts te gang rape kurishe.”
“Tai ke city para uthaikena rape kurishe.Etu gangrape huwa pichede miscreants khan tai laga gola katikena murabole kosish kurishe .Etu nimete ekta case register hoishe Srinagar police station te .”
Sutradhar khobor dishe etu case nimete duita manu manu Pritam Bhowmik aro Nirmal Bhattacharjee- ke thurishe aro Agartala CJM court te luijaishe aro court para tai khan ke police custody te luijaishe .
Sunday rati te CPI(M) worker Nakul Saha Nabi Para Amtali police station te murikena paishe.Etu nimete sub-inspector Maman-Ulla Kaji Amtali police station ke hataidishe Tuesday rati te duty bhal nakura nimete .Tai toh etu case toh chan bin kuri ase .
Locals koishe Sajib Das etu murder laga main accused toh police custody para polaishe SI Kaji para kaam thik nakura nimete.
Khobor paa hisaab te ekta traffic inspector Sukanta Biswas ke thurishe Bodhisattva Das- bank manager laga murder nimet thurishe .
Juwa haafta two sub-inspectors- Dipanjana Sinha aro Mikha Darlong ke hataidishe kaam thik nakura nimete .
Aro koishe ki etu duijun para on Narcotic Drugs and Psychotropic Substances (NDPS) cases laga report diyanai .
Add Comment