Tripura, 6 May : Tripura laga Chief Minister Prof. Dr. Manik Saha ajikali announce korise ki state government Agartala te ekta jagah identify kori lobo laga ase, juntu te Tripura laga prothom 100 bedded Ophthalmology Institute bonabo.
Tai koi dise, “Amikhan district hospital khan bhi develop koribo lagi kam kori ase, aru etu karone sob district hospital te trauma care centre khulibo. Government pura health sector laga development karone serious ase. 35 saal te health department ittu dangor development kabile najanise. Kidney transplantation already successful kori dise, aru future te aro hobole ase. GB Pant te seat number barabo karone instruction diya hoise. Medical hub bonabo karone bhi kam cholise.”
Chief Minister etu bhi janai dise ki ekta 100-bedded tertiary Eye Hospital bonabo karone Agartala te jagah identify korise, jate manu state baire na jai thakibo pare. “Ophthalmology Regional Institute bonabo,” tai add kori dise.
Eitu sob announcement Dr. Saha Amarpur sub-division, Gomati District te Rs 210 crore laga various project inaugurate aru foundation stone rakhar somoy te disey.
Tai etu bhi koi dise, “Tripura etiya peaceful state banise. Aji etu message manu khan logot share koribo dorkar ase. Insurgency to pura past hoi jaise—NLFT aru ATTF juntu extremist group ase, taikhan surrender korise, aru law and order bhal para improve hoi jaise. CPIM aru Congress laga 35 saal te tourism development te kunu focus nai thakise. Kintu Modi ji laga Sabka Saath, Sabka Vikas vision te amikhan woman empowerment aru inclusive growth karone kaam kori ase, aru tourism to main priority ase. Tripura te Unakoti, Ujjayanta Palace, Rudrasagar aru dangor-dangor tourist spot ase. Tourism police introduce koribo laga plan ase, juntu tourist aru tourist place khan te thakibo. Special executive prepare kori deploy koribo paribo naki, itu bhi dekhibo. Manuh to shanti loi thakibo bisare, disturbance nohoi.”
Add Comment