Chukri bacha ekta minor, 16 years laga age ke duita manu ba rape kurishey. Report hisab deh chukri toh Sephaijala District laga ase aro taiba taikan ke social media deh lok paina multiple times rape kurishey koishey. Ekta accused laga naam ase Saddam Hossain aro taikey Tripura Police ba duri dishey. Tripura Police ba arrest kurishey Saddam Hossain ke minor ekta laga rape kura karney Sepahijala district laga subdivision Bishalgarh ba. Source kan ba koishey ki Saddam Hossain toh shaadi shuda ase aro tai toh Sonamura Sub-divison laga under Kulubari laga resident ase koishey. Tai aro chukri bi Sepahijala district laga thaka manu ase. Report kan laga hisab ba victim aro accused toh social media deh lok kurishey koishey etu saal March deh. Police laga source ba kwa hisab deh “Saddam ba chukri ke alag alag kisam ba tai laga jaal deh phasaina rape kurishey, aro taikey threatened kurishey etu khota kun ke bi nokoboley. April 27 deh Saddam aro tai laga sathi ba chukri ke aro rape kurishey. Hoilibi kopal ba minor chukri toh pulawoley bachishey aro tai laga ghor punjiwoley parishey, aro punja peche deh Saddam aro tai lag sathi opor deh complaint file kurishey, Bishalgarh Women’s Police Station deh.” Tuesday rati deh, police ba Saddam Hossain ke arrest kurishey aro court laga agey pesh kurishey aro taikey judicial custody deh remand kurisdishey maney jail deh rakhidishey aro further investigation chuli ase.
Tripura Police ba arrest kurishey ekta manu ke, 16-year-old chukri bacha laga rape case karney
