Tripura: Police khan Para Ekta Manu Ke Arrest Kurishe, Maiki Head Constable Ke Marea Nimete, Duty Kurea Homoi Te

Agartala, May 11, 2026: Police khan para ekta Md Asadur Rahaman ke arrest kurishe koishe, tai toh 40 saal ase koishe, tai para ekta maiki Head Constable Gayatri Das ke marea nimete. Etu maiki toh Dhartmanagar laga Kadamtala Police Station laga bitor te, Naka Point National Highway te duty kurea homoi te.
Jayanta Debnath, Kadamtala Police Station laga Officer-in-Charge para case toh registered kurishe koishe, aru etu complaint toh Gayatri Das para likhishe koishe.
Yete etu muta toh National Highway te Birai homoi te, etu maiki police para Gari toh check kuribole Naka point te rukhai she koishe, aru tai para Gari laga papers khan aru Documents khan mangea homoi te, Asadur toh thik natha khi kina, Etu maiki Head Constable Ke haat chulaishe koishe. Etu nimete alak Officials khan para rukhai dikina arrest kuri dishe koishe.