Agartala, January 22, 2026: Officials khan para koishe ki. January 21 din te. Tripura Police laga Crime Branch khan para illegal drug trafficking te operation kurishe. Yete taikhan Banned kurea laga Eskuf Cough Syrup toh bishi duribole parishe koishe. Etu toh Jirania Railway Station te thakhishe koishe.
Inspector General Of Police (Crime Branch) Avula Ramesh Reddy para koishe ki. Etu saman khan toh October 17 din te durishe koishe. Yete Eskuf Syrup laga 1,07,000 bottles nishina durishe. Aru etu toh Rs 2.12 Crore laga daam ase koishe.
Aru etu laga case te Police khan para 5 manu nishina ke arrest kurishe koishe. Taikhan etea Jail te ase koishe. Aru Chart sheet toh bishi diri nahoi kina file kuri dibole ase koishe. Aru IGP para koishe ki. Anti-Narcotic Task Force khan toh tai laga bitor te ase. Aru yete drugs laga kaam kurea khan ke ekta kebi nacharibo koi kina janai dishe.
Add Comment