Tripura: Police khan para Ganja durishe. Ekta ke arrest kurishe. Driver aru alak ekjun toh polaishe

Agartala, February 21, 2026: Jatrapur Police Station laga Police khan para operation kurishe koishe. Yete Officer in Charge toh Shiti Kantha Bardhan ase koishe. Yete taikhan para Maruti gari para Ganja durishe koishe. Yete Ekjun ke arrest kuribole parishe. Tai toh Rais Ali ase.
Khobor hisab te. Police khan para khobor paishe koishe. Yete Maruti gari te ganja loija te. Yete gari toh Sonamura para Belonia laga rasta te ahibole laga janai paishe.Etu toh Indo-Bangladesh laga border osor te. Yete para taikhan rukhi thakhishe koishe.
Aru Gari ke dikhea homoi te. Taikhan para rukhaishe. Hoilebi driver aru alak ekjun toh polabole parishe koishe. Aru gari te bisarea homoi te. Taikhan para 138 kg laga ganja paishe. Aru Rais Ali (42) kebi arrest kurishe koishe. Yete police khan para saman aru Manu kebi Jatrapur Police Station te loijaishe koishe. Aru NDPS Act laga bitor te case bi registered kuri dishe koishe.