Agartala, September 26, 2026: Officials khan para koishe ki. September 25 din te Tripura Police khan para duita alak alak operation kurishe koishe. Aru charta manu ke durishe koishe. Yete Rs 1.26 Crore laga saman durishe koishe.
First Operation toh West Agartala Police Station laga team khan para 193 kg laga ganja durishe. Etu toh Rs 96 lakh laga daam ase koishe. Etu toh Agartala laga phuzur Friday din te. Abandoned gari para paishe koishe. Officer-in-charge Sanjit Sen laga hisab te. Etu jamala toh Thursday rati te Colonel Chowmuhani jagate kurishe koishe. Yete rati laga patrol team khan para gari ekta ke rukhaishe koishe. Driver toh narukhi kina polalabole kushish kuri thakhishe. Aru tai toh gari chari kina polai jaishe koishe.
Aru alak operation toh Unakoti District laga Kumarghat te kurishe koishe. Tripura police khan para charta manu ke durishe koishe. Police khan para koishe ki.Etu durea manu khan ke Magistrate aru Officials khan laga agea para question kurishe koishe. Aru hudea homoi te taikhan para gari te lokai kina ase koi kina janai dishe. Aru police khan para bisari kina banned kurea laga cough syrup paishe koishe. Etu toh Rs 30 lakh laga daam ase koishe.
Tripura: Police khan para Rs 1.26 Crore laga contraband durishe duita operation te
