Agartala, 29 March: Tripura Rajya Sabha MP Jharna Das Baidya para state government laga Health and Family Welfare Department ke Rs. 1 crore toh Members of Parliament Local Area Development (MPLAD) fund para deshe. Etu deya toh hoile state te COVID-19 (Novel Coronavirus) te deal kuribole nemide preventive aro testing device lobo karni ase.
MP Jharna Das Biadya para West Tripura laga District Magistrate (DM) ke aji kali thaka situation te saijia kena fund toh joldi olabole koise.
West Tripura District te 900 manu Corona virus thaka jaga para aha khan ke 45 Medical Teams para Home Quarantined te rakhikena ase.
Dr Sandeep Mahatma, IAS District Magistrate West Tripura koise, aji tak District te Covid-19 laga positive case toh powa nai.
Health Workers para sob Home Quarantine Cases te toh hotai sai ase.
Etu opor te, 20 Cluster teams te Officers aro Police head thaki Home Quarantine cases te lok kora suru korise kelay koile tai khan strict follow kuribole nemide.
Kon Home Quarantine te mana nai etu khan ke toh Epidemic Disease Act and Disaster Management Act pithor te gara saja debole ase.
Add Comment