Kailashahar (Tripura), 1 July : Tripura government pura state te government school teachers karone location-based e-attendance start korise.
June pora start kora etu system te, 4,912 school te thaka lagbhag 25,000 teacher ke school te pouncha time live location share koribo lage.
Unakoti District laga Education Officer Prasant Killikdar koi dise, etu system existing e-attendance uporot ase. New rule hisap te, teacher school bhitor ghusi pichor te he “share location” digital device te click koribo lage.
E-attendance aru location data school headmaster/mistress pora upload kora jai school management system te, juntu digital platform officials khan real time te dekhibo pare.
Location share logot e-attendance suru kora pora bhal result dekha dise. Unakoti district aru pura Tripura laga Vidyajyoti (CBSE) school khan academic performance 2024 pora bhal hoise, karon monitoring aru accountability bishi bhal hoise.
Officials etu system ke ekta important step buli dekhe, juntu teacher laga presence aru kaam te dhyan thakibo ensure koribo, aru govt school te education quality bhal koribo.
Add Comment