Agartala | March 20: All India Congress Committee (AICC) President Rahul Gandhi pora Tripura te jamma korikena thakiya manu khan ke kotha koriya samoy te koise ki pura Northeast India toh janikena ase ki kenika BJP pora Tripura milaikena regon laga manu khan ke hamla kori thakise.
“Tripura te kaam napowa laga level toh besi ase aro aji state te 7.5 lakh nisina jowan manu khan logote kaam napai kena ase. Moi Tripura laga jowan manu khan ke ekta sawal koribole mon ase ki– BJP pora state te kaam napai kena thakiya jowan manu khan ke kaam diya nai?”, tai pora hothise.
“Indigenous manu khan ke modot koribo nimite moi khan pora Tribal Bill olaise. Narendra Modi pora Tripura te kanun pura biya kori dise”, Gandhi pora koise. Tai pora demonetization laga policy ke bi bodnam korise aro koise ki etu pora economy biya korise.
Gandhi pora bi Citizenship Amendment Bill (CAB) logote khilef Congress laga kara kadam ke support korise aro koise ki juti tai khan power te ahile etu CAB toh hatai dibo koise. Tai pora etu bi wada korise ki juti Congress khan power te ahile Northeast Industrial Policy toh wapas halibo.
AICC President toh Arunachal Pradesh, Manipur aro Tripura te Lok Sabha laga elections aagete region te tai laga election campaign shuru koribo nimite berai ase.
Add Comment