Tripura te class 10, 12 board exams July 31 te junabo

July 7, 2021 . Tripura Board laga 10 aro 12 exams toh July 31 darik te olaboli neshina ase. Tripura Board of Secondary Education (TBSE) para Class 10 aro 12 students laga evaluation criteria toh released korishe. Evaluation criteria hesab te, students nemite pre-board, internal assessment aro puila laga class exam results toh bonaishe koishe. “pre-board, internal assessment aro akhe din class results toh Class 10 aro 12 students nemite sai ase. Etu saikena kam kotom howa beche internal assessment aro akhe din class 10 aro 12 students laga saboli ase,” koikena TBSE president Dr. Bhabatosh Saha para janai deya toh Indian Express  para koishe. Exam results toh olaishe koile websites- tripuraresults.nic.in, tripurainfo.com. te paijaboli janaishe. Tripura government para Covid-19 bemar halat thaka nemite board exam toh cancelled hoikena ase. Sob melaikena 26,610 candidates class 10 te enrolled korishe aro 27,205 class 12 exam nemite enrolled korikena ase koishe. Class 10 nemite pre-board exams toh tinta(3) subjects Language, Science aro Social Science te loishe. Students kaun khan exams thikena ase etu hesab te exam marks toh bapo aro baki dosura tuita(2) papers- English aro maths nemite highest marks toh kaun toh tinta(3) subjects te bapo etu te highest marks thiboli koishe. Students kaun pre-board exam appear kora nai etu students khan laga class 9 result hesab te janai thibo. Class 12 nemite, students laga class 10 aro 11 highest-scoring subject toh saikena 30 per cent marks olaikena hesab koribo koishe. Baki 40 per cent toh class 12 internal assessment nahoile practical examinations hesab te result toh janai thibo.