June 15, 2021. Tripura government para Class 10 aro 12 syllabus toh 2021-22 nemite 30% te komti korishe, etu fesla toh state te Covid-19 bemari para academic te nokson howa nemite ase koikena education minister Ratan Lal Nath para khobor toh janaishe. Northwast now logot kotha kora te, Tripura education minister Nath para janaishe ke, “Covid-19 halat para students khan studies aro examinations oper te besi duhk paishe, etu nemite government para syllabus komti koriboli fesla loishe. “students kaun khan 2022 saal te Class 10 aro 12 examinations thiboli ase syllabus toh 70% thakibo, bemari halat saikena fesla bonaishe” koikena education minister Nath para janaishe. Jowa saal, Tripura Board of School Education (TBSE) laga classes 9 para loikena 12 syllabi toh 1 saal nemite komti korishe. Tai para aro koishe ke, aha saal board examinations nemite candidates be samil thakibo. Sob state educational institutions neshina colleges aro universities toh etu saal bemari nemite April moina te bemari second wave nemite bondh hoishe. TBSE para etu saal Class 10 aro 12 examinations toh selected subjects te examinations thakiboli junaishe. Etu oper te final fesla koriboli ase koishe. Tripura government para aro secondary aro higher secondary examinations toh bemar jai thaka nemite exam lobo naa nai final fesla koriboli ase. Covid19 cases besi othi-thaka nemite central government para CBSE secondary aro higher secondary examinations toh cancelled korishe. Etu neshina states alag-alag te be board exams toh cancelled hoikena ase. Hoilebi, Tripura government para itya exam loboli bhal rasta pesari ase koishe. State education department, TBSE, state health department aro dosura academicians, psychologists aro journalists khan para board examinations nemite meeting korishe koishe.
Tripura te Class 10, 12 syllabus 30% komti korishe
