July 28, 2020: Tripura para Monday din te manu khan laga health status janibole nimete door to door COVID-19 survey shuru kurishe.
Hoilebi kunba jaka te health workers khan dukh pai thakishe etu survey lobole nimete. Mungiakami area te health workers khan dukh pai thakishe Tuesday din te bi.
Ekta naphabona thaka experience te medical team khan public khan laga ghussa dikhishe tai khan Mungiakami te house to house COVID-19 tests lobole jaa samay te.
Mungiakoami toh Khowai district te ase.Mungiakami bosti khan para raasta bondh kuridishe.tai khan Monday te bishi diri para raast a te thakishe.
Tai khan para health team khan ke rukhaidishe etu area te ghussibole nadibole nimete house-to-house COVID-19 tests karne etu para area te dangor chamela olaishe.
Etu te thaka manu khan koishe tai khan etu beemar nai aro etu nimete hi tai khan masks nalagaikena ase.
Aro tai khan test lobole nalageh.spot te district magistrate Khowai district Smita Mal MS, SP Kiran Rao, SDPO V Jagadiswar Reddy jaishe.
Tai khan local manu khan logote kotha kuribole kosish kurishe,Hoilebi tai khan mananai.Local manu khan koishe government-imposed lockdown kura pic hede bi kile doctors aro dusra khan bosti te ghussibole dibo.
Tai khan koishe tai khan para virus toh phelaidibole nishena ase.DM para etu pichede koishe tai khan okobi plan nai Tuesday te test lobole nimete.
Etu pichede officials aro health staffs khan bosti para wapas ahise testing noloikena aro mass gathering toh akhe para hi kurishe bosti manu khan para protest samay te.
Add Comment