AGARTALA | Dec 15, 2018: Aro ekta case maiki khan uporte crime kura chamela te ekta 19 sal maiki Sampa Nath ke tai laga mota pora gola dabaikena muraidishe.
Etu hadsaa toh Friday din West Pillak area South Tripura district bithor te hoishe .
Etu khobor paikena , Baikhora police khan etu jaka te jaishe aro etu maiki laga dead body tai khan huma jaka laga mati te paishe tai laga mota laga saamne te.
Etu maiki laga baba Krishnadhan Nath Sabroom laga manu pora FIR file kurishe aro koishe tai laga maiki bacha ke tai laga mota pora muraidishe.Police khan ke FIR diya pichede etu mota Utpal Debnath ke thurishe .Source khan khobor dishe etu mota toh modu khaa manu ase.Aro tai Boikhora laga jewellery dukan te kaam kuri thaka manu ase .
Etu maiki laga dead body toh Hospital te Post mortem nimete luijaishe.Aro Reports hissab etu victim laga gola te daagi khan thakishe .
Source khan koishe etu mota toh Sampa logote social marriage pora shaadi kurishe hoilebi etu shaadi hoikena etu duijun toh jakara olaithakishe etu mota laga adat karne.
Chan bin kura time te janishe etu mota pora tai laga maiki mura laga khobor alag koishe .Etu time te police khan pora etu olop suspicious thakishe koikena janaishe .Tai koishe tai laga maiki nijor ke muraishe tai laga room laga fan te phasi lagaikena.Hoilebi Police khan etu chamela kiba toh ekta ase koikena janaishe .Etu pichede police khan pora tai ke IPC laga section 302 bithor te thurishe .
Add Comment