Tripura te Local train services June 6 dak bondh

May 30, 2021. Tripura te local passenger train services toh aro June 6 darik dak bondh thakiboli janaishe. Tripura  te local passenger train services aro bondh koriboli fesla lowa toh hoile State Government para COVID-19 halat saikena kora ase koishe. Tripura te local passenger train services bondh kora toh State Government laga felsa te intra-State movement restrict kora nemite ase koishe. Tripura laga rural jaga te etu order toh Friday din para soruh hoishe. Hoilebi, Capital city Agartala aro dosura urban jaga te trains bondh hoboli laga order toh Thursday din para hoikena ase. Etu khobor toh North Eastern Frontier Railway laga Chief Public Relations Officer, Subhanand Chanda para junaishe. “Corona curfew toh Tripura state pura te virus phela rokabo nemite ase. Etu order toh state laga jaga pura te Thursday din para soruh hobo. Hoilebi, Agartala Municipal Corporation (AMC) aro dosura urban local bodies te etu order toh Wednesday din para soruh hoikena ase,” koikena  Subhanand Chanda para janai thishe. Hoilebi, etu oper te long-distance passenger trains toh jai thakibo koishe. Tripura Government para COVID-19 positive cases besi thuri thaka nemite State te jai thaka Corona curfew toh aro June 5 darik dak aro othai thishe.